Ka Myntri ka tnad ka koit ka khiah ka jylla ka Dr Ampareen Lyngdoh, ka la ong ba ki 10 ngut ki Doktor kiba leit shah pyntbit ha Tezpur, Assam kin wan phai biang sha jylla. Ka Dr Ampareen ka la ong, ba ka sorkar jylla ka la phah pyntbit ia 10 ngut ki doctor sha Tezpur, ha Assam ia ka certificied Course halor ka Psychiatric Treatment and Deaddiction Treatment. Ka la ong, ba kine ki doctor kin wan phai biang sha ka jylla hadien ba la pyndep ia kane ka jingshah pyntbit na katei ka jaka.
Ka la ong ba ka sorkar kan sdang ban ai ka jingshakri ha man ki district ban pynduh ia kiba kyrni drok ha kaba ka sorkar kan buh ia ka de drug centre, ban iarap ia kiba ngop ha u drok. Ha kajuh ka por, ka la ong ba ka sorkar ka la pynkhreh ban pynbiang ia ki tiar ki tar bad ki jingdonkam na bynta ban iakhun bad ban pynduh ia kiba ngat ha u drok.
Ka la iathuh ruh ba kan pynbiang ia ki jingdonkam ha ki hospital khamtam ha Ganes Das bad ha Civil Hospital Shillong ki ban long ki jaka pule doctor ha ka jylla.
