U Myntri Rangbah ka jylla u Conrad K Sangma, ula lum jingialang ia ki ophisar ka tnat khlaw (Forrest) ban tip ia ka jingtrei ha kaba ia dei bad ka State Zoo ha Umtrew Ri Bhoi District. Kum ban shu pynkynmaw ba ka State Zoo ka don ha Umtrew hapoh ka Ri Bhoi District bad ka jingheh ka jaka ka long 72 akar bad ka jingtrei ka la iaid sha khmat bad shen yn sa lah ban pyntrei kam noh ia kane ka jaka ri mrad la iathuh ki ophisar sha u myntri rangbah.
Haba iadei bad kane u Myntri Rangbah ka Jylla ula ong ba kane ka jaka buh ia ki mrad ka dei ban khring ia ki nongwan jngohkai pyrthei bad ba kin tip ia ka jingdon ki syntiew ki skut kiba bun jait, nalor ba ka dei ka jaka jngohkai kan long ruh ja jaka wat jingtip.
U Conrad u la ong ba ki ophisar jong ka tnad khlaw ki dei ban peit ia ka jingpyniaid ia ka man ka sngi kumno ban sumar ia ka bad ia ka jingpyntrei ka dei ban ai sha kiba la pyntbit kyrpang, kum ka jaka die tiket, pynieng kali, ki jaka bam bad kiwei kiwei ki jingdonkam ki paidbah.
