Ki nongpyniaid jongka Cherry Blossom Festival hynne ka sngi ki la pynbna ba u nongrwai ba pawnam u Akon yn rwai ha ka 15 tarik u Naiwieng katba ha ka 16 tarik yn wan ban pynlynguh ia katei ka tamasa da ka kynhun Clean Bandit. La pyntip ba ha kaba nyngkong la pynbeit ia ka tarik ba u Akon yn rwai haka 16 tarik u Naiwieng hynrei namar ba kala don noh ka jingpynkylla ha ka jingleit rwai ka jongu ha kylleng ka dewbah Asia.
Ki nongpyniaid kila pynbna, ba ha ka 16 tarik u Naiwieng, ka kynhun Clean Bandit kaba dei kak ynhun kaba pawnam bha bad kaba la jop iaka khusnam Grammy kan long ka kynhun kaba kongsan ha katei ka tamasa ha ka sngi ka baar.
Kane kan dei ruh ha ka sien kaba nyngkong eh iaka Clean Bandit ban wan pynbyrngia hapoh ka ri India bad la khmih lynti ba ka jingwan kane ka kynhun kan pynshongshit shuh shuh ia ki paidbah kiba leit sha ka Cherry Blossom Festival bad kaban long ruh kaei kaei kaba kin sah jingkynmaw.
