Ka Tamasa Sohphlang ki nongrep sohphlang kan long ha 25-26 tarik Risaw ha Jongksha, Lad Kharang. Ha kane ka tamasa yn pyninam ia u Sohphlang, uwei na ki mar rep ba kyrpang ha ka jylla. Ki bor pyniaid ki iathuh ha ka 25 tarik Risaw ka sdang naduh por 1 baje nohphai sngi haduh 7 baje janmiet bad ha ka 26 tarik naduh ka por 10 baje mynstep haduh 7 baje janmiet. Ha kane ka tamasa kin don ka jingïalehkai bad pynsap sap ban pynphuh pynphieng ia ka prokram ka 25 tarik, katba ka 26 tarik kan don ka jingshad, nongrwai trai ri, ka fashion show ki nongrep bad kiwei kiwei.
Ia kane ka tamasa la pynlong da ka Mawkynrew Sohphlang Socio Cultural Society ba la kyrshan da ka Basin Development, ka tnad jngohkai pyrthei bad ka bethany society.
Ha kane ka sngi u myntri rangbah u Conrad Sangma, ka myntri ka tnad rep kong Ampareen Lyngdoh, u MLA ka thain u bah Banteidor Lyngdoh bad u commissioner bad secretary u Vijay Kumar kin donlang ban pynshngain ia ki nongrep bad ki paidbah.
