Ha ryngkat ka Ri India baroh kawei, ka jaka ri khunswet hapoh Meghalaya, ka ‘SOS Children’s Village, Shillong ka la rakhe iaka jingdap 60 snem ka SOS India.Ia ka ‘SOS Day’ ha baroh kawei ka Ri India la rakhe man ka 23 tarik Jylliew bad ia kane ka sngi la rakhe kyrpang namar ka dei ka sngi kha jong u Dr. Hermann Gmeiner uba la seng ia ka SOS Village ha baroh kawei ka pythei.Ki jaka ri khunswet lane ki ‘SOS Children’s Villages’ ki don 135 tylli ki Ri ha baroh kawei ka pyrthei bad hapoh India ki don 31 tylli ki SOS Children’s kynthup kawei ha Meghalaya kata ka SOS Children’s Village Shillong ha Umiam.Ia ka ‘SOS Children’s Village Shillong’ la seng naduh u snem 1996 bad la plie nyngkong bad la sdang pyntreikam ha u snem 1999. Ka thong jong ki jaka ri khunswet ‘SOS Children’s Village’ ka dei ban ai ka longiing ia kito ki khynnah kiba la duh noh ia la ki kmie ki kpa.Ka jingiapher, ka SOS Children’s Village bad kiwei ki jaka ri khunswet, ka long ba ki khunswet kin ioh im bad kiwei pat ki khunswet ha ka iing ha ryngkat bad ka kmie ka ban peit ia ki haduh da ki lah heh la san.
Hapoh ki SOS Children’s Village, ki khynnah ym tang ba ki ioh ban im hapoh ka iing kum kiwei ki khynnah kiba don ia la ki kmie ki kpa hynrei ki ioh lut ia ka jingnang jingstad da ka jingioh ban leit pule sha ki skul bapher bapher.Nalor ka jingnang jingstad, ki khynnah ki ioh ki jait shah hikai pyntbit khnang ba kin lah ban ioh kam ioh kam bad ban lah ban ieng hala ki jong ki kjat, da ki la mih noh na kane ka jaka ri khunswet.Haka jingrakhe dap 60 snem ka jingseng iaka SOS Children’s Village India, ka SOS children’s Village Shillong ruh kala rakhe daka jingpynlong bun jait ki prokram, nalor ka jingsam khusnam iaki khynnah kiba wan shakhmat haki eksamin.U Myntri ka tnat Social Welfare u Bah Paul Lyngdoh hynne ka sngi ula wan shim bynta lang bad ki khunswet jong ka SOS Children’s Village Shillong ha ka jingrakhe ia ka SOS Day,
Haba kren ha kane ka sngi u Bah Paul Lyngdoh ula ai ka jingiaroh ia ka SOS Children’s Villages India, kaba la lah ban kyrshan bad pynlong briew man briew ia ki khynnah kiba la duh noh ia la ki kmie ki kpa. Haka jingkren u Bah Paul ula kyntu iaki khynnah ba kim dei ban duh mynsiem ne jingkyrmen hynrei kidei ban don ka mynsiem ba kyrmen ba maki ruh, kim don ka jingduna ne ka lad ban kiew shaphrang, kum kiwei pat.
