Da ka jingpynbna ia ka mang tyngka mynta ka sngi, sngew peit ia ka jingkren ong u Vikram Gulati- – Country Head bad Executive Vice President, Corporate Affairs bad Governance, Toyota Kirloskar Motor.
“Kane ka mang tyngka kadei kaba biang bad ba khlem noh shilliang da ka jingbteng jong ka sorkar ban phai khmat sha ka jingpynbha ia ki jingtei bad kumjuh ruh ha kaba iadei bad ki kam na ka bynta ka imlang sahlang, ha kajuh ka por ban thaw ia ka lad ka lynti ban wanrah ka jingduna ka jinglut ka pisa da 4.9%.
Ka jingpyrshang ban kyntiew ia ka bha ka miat ki nongrep lyngba ka jingpynbha ia ka rep ka riang bad kumjuh ruh ban nang kyntiew ia ka jingiashim bynta jong ki nongtrei kynthei kan iarap ban nang pyniar shuh shuh ia ka jingiohnong ban kiew ha ka ioh ka kot.
Shuh shuh, ka sorkar ka la phai khmat kyrpang ruh sha ka MSME bad sha ki karkhana shna jingshna da kaba shim ia ki sienjam kiba khraw bad ba kyrpang. Kane kan iarap ban nang kyntiew shuh shu hia ka jingnoh synniang lyngba kam kiba iadei bad ki karkhana ba shna ne pynmih ia ki tiar ki tar sha ka jingiohnong bad jingkiew jong ka GDP. Ka long kaba itynnad ban iohi ba ka sorkar ka la shim ia bun jait ki sienjam na ka bynta ban wanrah ka jingkylla ha ka liang ka bording bad ha kaba iadei bad ka jingkylla ka mariang. Ka jingiakhun ia ka jingpynmih ia ka lyer carbon bad ka thong ban ioh ia ka carbon neutrality kat ha ka snem 2050 kadei ka bynta ba ha khmat eh jong ka Toyota Kirloskar Motor (TKM) na ka bynta ban wanrah ia ka jingpynneh pynsah.
Ngi pdiang sngewbha ia ka jingphai khmat ruh ha ka liang ka pule puthi bad sha ki kam ban pyntbit ia ki sap ki phong da kaba wanrah ia shibun ki sienjam na ka bynta ki samla pule bad ki samla ka ri. Haba kren shaphang kane, ka jingwanrah ia ka internship scheme kaba don ruh bad ka jingsiew ne ka stipend na ka jingpynlut lyngba ka CSR (corporate social responsibility) ka long kaba ai mynsiem, da ka jingthmu ban ai sha kito ki samla kiba pyrshang ban leh ia ka kam ba ki don shisha ha ka jaka treikam kaba dei hok bad ban lah ban thaw ruh ia ki lad aikam aijam. Kine ki sienjam kin iarap ia ka ri ban sngewthuh ia ka jingmyntoi ban don ia ki nongtrei kiba ha ka rta bapher bapher. Ha ka TKM, ka jingkyntiew ia ka sap ka phong ki samla kadei kawei na ki bynta ba ha khmat eh ha kaba ngi la noh synniang ban pyniahap bad ka sienjam treikam ka ‘Skill India’ initiative, lyngba ki prokram pyntbit bapher bapher khnang ban pynlong ia ki samla kiba la khreh ban trei ia ki kam ha ki karkhana.
Ka jingsngewthuh shaphang ki khajna kan iarap ban pynioh noh shuh shuh, kumta kan iarap ban kyntiew ia ka ioh ka kot. Ngi pdiang sngewbha bad ngi khmih lynti ban iohi ia kine ki jingkylla ba la thmu ban leh da ka sorkar kiba thmu ban wanrah ha ka por kaba dei.
Haba pynpaw halor ka thong jong ka ‘Grow in India, Grow with India’, ngi ha ka TKM ngi long kumjuh bad ka thong ba ha khmat jong ka ri, da kaba ngi trei radbah ban poi sha ka thong jong ka ‘Viksit Bharat’.”
