Ka Vi bad Gameloft kan wanrah shibun ki jingtyrwa kiba iadei bad ki jingialehkai bapher bapher

Ka Vi, kaba long ka shnat ai jingshakri ha ki liang ki kam telecom, ka la iatehlok bad ka nongshna ia ka mobile video game ka Gameloft ban ai shibun ki jingtyrwa kiba bun ha kaba iadei ki jingialehkai ne games kiba ha ki thup bapher bapher, ba kynthup ia ki game iashoh, ki jingialehkai kiba hap ban iaid sha kylleng, ki jingialehkai sports bad ka jingpyniamareh kali.

Ka Vi Games ha ka Vi App kan ailad ia ki nongpyndonkam ba kin ioh ia ki games ba la pynmih hi da ka Gameloft ba kynthup ia ka Danger Dash, Block Breaker Unlimited, Ludi Bubbles, bad Asphalt Retro khlem da hap ban siew tam ka pisa. Ki nongpyndonkam ki lah ban jied na ki jingialehkai ba bun bha lyngba ka thup jong ka Vi Games ha ka Vi App bad ha ka thup jong ka Fun Games.

Kane ka jingiatehlok ka pynpaw lia ka jingtrei tyngeh jong ka Vi da kaba ai lad ban ioh ia shibun tylli ki jingialehkai ne ki games ba ki briew ki lah ban jied bad ban ailad ia ki nongialehkai ba kin ioh mad shisha ia ka jingialehkai mobile game kaba sngewtynnad. Ka Vi ka thmu ba ha ki sngi kiban wan kan sa lah ban pynmih noh ia ka jinglah  jong ki nongpyndonkam ban thied ne subscribe ia ki lympung ialehkai ka Gameloft ia kaba la tip kum ka Arena.