Ka shnat ba paw bha ha ka liang ka jingshakri ia ki kam telecom kata ka Vi ka la pynbna ia ka jingiatehlok bad ka kompany Netflix. Ka jingthmu jong kane ka jingiatehlok ka long ban ailad ia ki nongpyndonkam ia ka Vi ba kin ioh ban peit ia bun jait ki jingpynbyrngia ne ki content, kaba lah ban peit ha ki phone, television, bad tablet. Lyngba kane ka jingiatehlok, ka Vi ka la pyntreikam ia ka Netflix Basic kaba don ia ka unlimited plan na ka bynta ki nongpyndonkam ia ka prepaid, kaba long u mawmer ha ka karkhana telecom. Kane ka plan, ha ka dor 1000 tyngka, na ka bynta ban ioh ia ka s unlimited calls, data, bad 100 tylli ki SMS/shi sngi, ryngkat bad ka jinglah ban peit ia ki phlim ba bun ha Netflix, kaba kynthup naduh ki phlim ba pynmih ha ka ri lajong kum ka “Heeramandi: The Diamond Bazaar” haduh kiwei kiwei ki phlim ba paw kum ka “Squid Game” bad “Bridgerton”.
Nalor kane, ka Vi ka la wanrah ruh ia ki ar tylli ki Unlimited prepaid pack kiba thymmai kiba pher ka validity bad ka data, na ka bynta ki nongpyndonkam kiba pher bapher. Ki nongpyndonkam ha Mumbai bad Gujarat ki lah ban ioh ia ka validity ba 70 sngi ha ka dor 1099 tyngka, katba kiwei pat ki lah ban jied ia ka validity kaba 70 sngi bad 84 sngi -ha ka dor 998 tyngka bad 1399 tyngka.
Kane ka jingiatehlok ym tang ba ka long ka dak ban pynpaw ba ka Vi kadei tang ma ka ka shnat ai jingshakri ban wanrah ia ka jingtyrwa ban ioh ia ka Netflix Basic ha ka dork aba biang hynrei ka pyni ruh ia ka jingtreikam ba radbah ban pynbiang ia ki nongpyndonkam lyngba ki jingtyrwa kiba la leh katkum ki rukom ba thymmai. Ki nongpyndonkam ia ka Vi kiba kwah ban pyndonkam ad ka plan kaba kut ka validity haduh 84 sngi kin ioh ia ka jingmyntoi jong ka flagship Hero proposition, ba kynthup ia ka Data Delight, Night Binge, bad Weekend Data Roll-over. Nalor kane, ka Vi ka la thmu ban nang pyniar ia ka jingiatreilang jong ka bad ka Netflix na ka bynta kito kiba pyndonkam ia ka postpaid, da kaba ailad ia ki nongpyndonkam da bun jait ki lad ki lynti ba ki lad ban jied ban ioh ia ki lad jingpynbyrngia khlem kano kano ka jingthut.
