Ka kompany ba pawkhmat ha ka liang ka jingshakri telecom ka Vodafone Idea (Vi), ka la pynbna ba ka la ioh pdiang ia ka jingpynshisha jong ka SOC2 Type II attestation. Ia mynta hi dei tang kane hi ka kompany kaban ioh pdiang ia ka SOC2 Type II attestation, kane ka pyni ia ka jingaiti lut jong ka Vi ban pynneh ia ka kyrdan kaba ha khlieh ha kaba iadei bad ka jingshngain jong ka data jong ka bad ban iada ia ki jingtip kiba kongsan jong kito kiba pyndonkam ia ka jingshakri jong ki, bad ha kajuh ka por pat ban pyniaid ia ka Denial-of-Service (DDoS).
Ia kane ka jingpynshisha, la ai da ka AICPA (Association of International Certified Professional Accountants) bad ka VISTA InfoSec, bad la pynshong nongrim ia ka halor ka SOC 2 “Trust Service” na ka bynta ka jinglah ban pyniaid ia ka data jong kiba pyndonkam, bad kane ka pyni ia ka jinglah jong ka kompany ban pyntreikam ia ki kyndon kiba iadei bad ka jingshngain na ka bynta ki nongpyndonkam bad pyni ia ka jinglah ban treikam bha, kaba pyni ia ka jingshngain, ka jinglah ban ioh, ka jinglah ban preikam ia ka jingshisha, ka jinglong sop sop, bad ka jingiada na ka jinglait ki jingtip sha wei pat.
Ka SOC 2 Type II Attestation ka pynshisha ia ka jinglah ban tehlakam jong ka Vi ia ki rukom treikam ba hapoh, bad ki kyndon treikam kiba skhem ha kaba iadei bad ka jingshngain, kaba pyni ia ka jingtreikam kaba skhem bad kaba biang bha ha kaba iadei bad ka jingwanrah ia ka jingshngain, ka jingiada kaba ha khlieh duh eh jong ka DDoS, ka jinglap kaba sted lada don kano kano ka jingma ha ka liang ka jingshngain jong ka jinglait jong ki jingtip, bad pynlong ia ka Vi kum kawei na ki jingshakri ba lah ban shaniah ha kane ka bynta. Haba kren shaphang kane ka jingpynshisha, U Mathan Kasilingam, CTSO, Vi u ong, “Kane ka jingpynshisha ka nang pynskhem shuh shuh ia ki rukom treikam jong ngi namar kadei ka rukom treikam kaba bha tam, bad kumta ka wanrah sha ki nongpyndonkam ia ka jingsngew shngain ha kaba iadei bad ka jingshngain jong ki data bad bym don kano kano ka jingshahtuh.”
