U Nongialam ka NPP ba long ruh u MP sha Rajya Sabha u Dr WR Kharlukhi ula ong ba ym lah ban len ba ka Voice of the People Party (VPP) ka mih ban pyni ba ka dei ka seng riewlum kaba khlain, hynrei ula ong pat ba ha ka election ka don ka jingpher na ka MP election bad MDC. Haba kren sha ki lad pathai khubor, ula ong ba ha ka politic ka jingkwah ka long ban neh ym ban jah noh shipor da kaba ai nuksa ruh ia kiwei ki seng. Haba kylli halor ka jingpyrshah ki paidbah ia la NPP, ula ong ba ka NPP kan ym duh, bad ha ka MP election ba dang shu dep ym tang ka NPP baroh ki la shah rem lut ha ka VPP, bad bynrap ka ha ka politic ka jingkylla ka wan ha kano kano ka por.
U bah Kharlukhi u la ong ba ym lah ban len ba ka Voice of the People Party (VPP) ka mih ban pyni ba ka dei ka seng riewlum kaba khlain, hynrei u la ong pat ba ha ka elekshon ka don ka jingpher ha ka MP elekshon bad MDC.“Nga la iakren bad bah Adelbert Nongrum (MLA) ba u Blei um ju kyrkhu shiliang, ula kyrkhu ia u Mukul sangma, ia u Conrad, u lah ban kyrkhu sa iano re, ym lah ban tip”, la ong u Dr. Wanwei.
Halor ka jingkylli ia ka Congress, u Dr. Kharlukhi ula ong ba lada ka Congress ka jop ha ka elekshon MLA ha Bihar ha 2025 bad ha UP ha u snem 2027, ka lah ban khie khlieh biang hynrei lada ka rem, kan ngam biang. Halor ka jingmih khubor ba un resain noh ia ka kam MP, u Dr. Wanwei ula kyntait da kaba ong ba ka dei tang ka jingmut dur jong u nongthoh.
