JOWAI, Jylliew: Ka ophis jong u Divisional forest officer social forestry division, Jaiñtia Hills Jowai, forest and environment department bad ka range forest officer, social forestry range Shangpung ha ka 5/06/24 ki la rakhe ia ka sngi ba kyrpang ka mariang ne “World Environment Day” ha Sawlyngdoh Higher Secondary School Mowkaiaw, daka jingshim bynta lang ka skul Sawlyngdoh kumjuh kiwei pat ki skul ba marjan ryngkat ki nonghikai halor ka phang kaba ong “Land Restoration Desertification and Drought Resilience”.Ha ka jingialang ba pyniaid da u M.Suchiang incharge Social Forestry Range Shangpung la ioh ka jingkren na u waheh shnong Mowkaiaw u S.Lamare Waheh uba la ban jur halor ka jingdonkam ban sumar ban iada iaka mariang ha kiba bun ki bynta khnang ban ioh iaka lyer kaba Khuid, ka um wa Khuid bad ban shimkhia ruh ban thung iaki dieng ki seij.
Halor ka jingdonkam ban thung dieng ula kyntu ia baroh lang ban sdang nala ki ïing ki sem da kaba thung syntiew thung dieng bad sumar iaki, namar ba ka jinglong jingman ka mariang mynta kala pher bha, ka daw dei bala jur ka jingpynjulor mariang u briew.Nangta u N. Pariat Retd Asst Professor haba kren kum u riewshemphang u ong, lada wym don ka jongkitkhlieh ban pynsngewthuh halor ka jingshah ktah ka mariang, kumjuh ruh ban shim ki lad ki lynti naka bynta ban ai jingiada, ynsa poi ka por ba u paid bynriew un mad iaka jingjynjar bam, jingjynjar um, jingjynjar lyer nalor kiwei pat ki jait myntoi ba u briew u im ne ioh naka.Te kumba ka phang jong une u snem ka ong “Land Restoration Desertification and Drought Resilience” u kyntu ban thung iaki dieng ban pynneh iaka khyndaw u shyiap wym ban khlong dusmon, neibhah mynda joor ware i leh pynsih i ki bru ki khyndaw leh wym man de kiwa hoi u rep u riang.
Neite kyntu u wow thuh ki lad ki luti yow pynneh pynsah yaki um, u pynduna leh i pynemkam plastic dei wow man ki bru wa tip wa sngawthooh kammon u pyllang u noh yaki jhep.Heijooh i por da pynkynmoo u yaki aiñ wapher wapher wada wanrah ka sorkar India nei bynta u e yada yaka rymaw, tangwa ki bru won wym em kheiñ kor ki. Ha kane ka sngi la sam ruh iaki prize sha kiba jop haka jingiakop thoh essay bad drawing kaba la pynlong haka 3 tarik une u bnai. Ha ka drawing painting la ioh nyngkong ka Idahun Dkhar naka skul Winter Adventist Higher Secondary School Mowkaiaw, ba ar ka Lana-ika Suchiang naka skul Mukhap Upper Primary School ba lai u Adamewan Shadap naka skul Govt Upper Primary School Mowkaiaw.Ha ka jingiakop thoh essay la ioh nyngkong ka Graceful Dkhar naka skul Sawlyngdoh Higher Secondary School Mowkaiaw, ba ar ka Lanawanroi Lamare naka skul Winter Adventist Higher Secondary School Mowkaiaw, nangta kiba ioh ba lai ki don arngut ba kynthup ka Kynmow-idaka Shadap naka skul Govt Upper Primary & RMSA Secondary School Mowkaiaw bad ka Jenita Pator naka skul Sawlyngdoh Higher Secondary School Mowkaiaw.La sam ruh iaki consolation prize sha baroh kiba shim bynta. Hadien ba la kut ka jingialang la don ka jingthung dieng ha phyllaw ka skul Sawlyngdoh bala shim bynta naduh ki nonghikai ki khynnah skul bad kiba shah khot sngewbha.
