Ki Shipai BSF Meghalaya ryngkat ka jingiatreilang bad ki pulit, ki la ioh kem ia ki hynniew ngut ki nong Bangladesh hajan ka khappud ri ha Baldamgiri Tinali ha South West Garo Hills. Kine ki hynniew ngut ki nong Bangladesh ki kynthup u Amir Ali 35 snem, u Mir Jahan 45 snem, u Biplob Mia 35 snem, u Angur Hussain 20 snem, u Chand Mia 32 snem, Rasel Mia 32 snem bad u MD Bakul Mia 35 years. Kine baroh kidei ki nongshong shnong ka Kurigram District, Bangladesh.Ha kawei pat ka jingjia, ki shipai BSF na ka 4 Bn Meghalaya ki la iohbat ia saw ngut khar Bangladesh bad lai ngut ki kiba la tip kyrteng kum u Shorobindu Biswas 37 snem, Royal Talukder 17 snem, Rony Lamin 34 snem, ka Kausalla Talukdar 33 snem, Shankhor Saha 46 snem, Ronbir Saha 9 snem, bad Suna Lyngdoh 22 snem. La ioh kurup lang bad ka kali hajan khappud Dawki ha East Khasi Hills district.
Katkum ka khubor na ki shipai BSF, la ong ba ki shipai 50 Bn BSF Meghalaya ryngkat ka jingiatreilang bad ki pulit ka jylla, la ioh jingtip ba kine ki briew ki sah hajan Baldamgiri Tinali ha thain khappud jong South West Garo Hills District.Ha ka jingtohkit ki shipai, kine ki briew ki la phla ba ki la rung sha kane ka thain ban leit sha Assam ban leit wad kam. Haba iadei bad ki san ngut kiba la iohbat, ki shipai ki la ong ba ki lai ngut ki nong Bangladesh ki la rung ban leit wad kam sha Assam, katba ia ki lai ngut ki nong India kiba la thmu ban rung sha Bangladesh ban leit iakynduh ia ki bahiing hasem.
Ia kine kiba, ki shipai kila aiti sha ki pulit na bynta ba kin pynlong ia ka jingtohkit ba bniah ban leh ia kaba donkam.
