Ka seng Khasi Students Union (KSU) mynta ka sngi ka la leit ban phah khang bad pynsangeh treikam ia kiba bun ki Ophis treikam kiba don ha sor shillong bad markhap sor.
Kane ka jingleit phah khang ka KSU ia ki ophis treikam kadei namar ka jingbym burom jong ki ia ka sngi Leh Niam Behdieñkhlam kaba dei ka sngi shuti ka jylla.
Ki ophis ba ka seng KSU ka la leit ban pakhang hynne ka sngi ki kynthup ki Bank, ki Post Ophis, ki ophis jong ki Company ha ki thain Mawlai kynthup ka ophis FCI Mawroh, Lumdiengjri, Motphran ter ter shaduh ki thaiñ Khyndai Lad, Laban, Laitumkhrah,Malki Nongthymmai , Nongmensong bad kiwei kiwei ruh ki dong bad ki Shnong.
Ha kajuh ka por, ka seng hynnin ka sngi ka la leit ban pakhang ia ki Bank ha Jowai namar hynnin ka sngi ka 2 tarik ka dei ka sngi shuti ha District, West Jaintia Hills.
