Hadien ka jingïoh ïa ki jingujor na ki paidbah ka shnong Warmawsaw kiba leit thied dawai na kawei ka dukan Pharmacy kaba la plie da u bar jylla uba la tip kyrteng u Hafijul Husain mynta la shi snem eiei, kaba la die ïa ki dawai kiba la kut por (Expired), hynne ka sngi Ki Nongialam jong ka Khasi Student Union Warmawsaw unit ka la leit ban khang tala syndon ïa katei ka dukan die dawai kaba don haka shnong Warmawsaw. Haba kren naka liang u Samla Receive Pator, President ka KSU Warmawsaw unit u la ïathuh ba ba ka seng ka la ioh iaka jing ujor naki nongleit thied dawai halor ka jingdie jong une u bar jylla ïaki dawai kiba la kut ka por “Expired Date” Bad mar mar naka liang ka seng ka la leit mih sha katei ka Pharmacy ban peit bniah ïa ki dawai ba katei ka pharmacy ka die.
Shuh shuh u la ïathuh, ha kane ka sngi ka 7 tarik Nailar ka Seng ha ryngkat bad ki dkhot jong ka ki la leit mih sha katei ka pharmacy ban wat ïaka jingshisha ha kaba ki la lap ba don ki dawai ba utei u bar jylla u die ha katei ka pharmacy ki dei kiba la kut por lane expired haki tarik. Haba ka seng ka la tih bniah na utei u bar jylla uba la seng ïa katei ka pharmacy mynta la shi snem eiei la lap ba u tei u bar jylla u khlem don wat tang I wei I kot jingpynshisha ba u lah ban die iaki dawai kumjuh kiwei ki kot ki sla kum ka triding licence ne work permit.
U bah Pator u la pyntip ruh ba hadien baka seng la ïoh ban bishar bniah bha ka la shim ïaka rai ban khang tala syndon ïa katei ka dukan pharmacy kaba la shu plie beaiñ da utei u bar jylla bad ha kajuh kapor ban phah leit phai mardor ïa utei u sha ki jaka ba u sah. Ka seng ka phah ruh ïaka kyrwoh jing maham sha kino kino ki briew shim kabu kiba thmu ban plie ïaki dukan die dawai khlem da pynbiang bha ïaki kot ki sla kiba biang ka seng kan leh daka ba tyngeh bad khlem ki jingïakren kan khang beit ïaki dukan jong ki.
