Uwei u rangbah u la khlad noh hashen, hadien ba ka kali kaba u niah ka la kylla khongpong bad rynsied palat 73 phut na ka surok Shillong Bypass NH-44 kaba don ha ka shnong Umeit, Ri Bhoi District. Katkum ka khubor ba la ioh lum, la iathuh ba uwei u rangbah ba la tip kyrteng kum u Michael Jones Nohriang (30), na Pyndensohsaw, Mawsynram katba u dang wan na ki bynta jong ka Shillong ban leit sha ka thaiñ Bhoirymbong da kawei ka kali Hyundai Eon kaba don ia u number ML 05 J 8818 hamar ba poi ha ka thaiñ Umeit, une u nongñiah um shym la lah ban tehlakam shuh ia kali tad haduh ba kane ka kali ka la kylla khongpong bad rynsied palat 73 phut bad sah kut pat ha kawei ka jaka rep.
Kane ka jingjia aksiden, ka la jia ha ka 8 tarik Nailur ha ka por 1:30 noh phai sngi, na ka liang ki pulit kiba la ioh jingtip.Halor kane ka jingjia, ki la leit sha katei ka jaka bad lap ba utei u rangbah ula khlad noh hashen bad ki pulit da ka jingiarap ki riew paidbah ki la sei noh ia ka met napoh katei kali kaba la julor hi phom ha katei ka jingjia.
Hadien, ka jingtohkit bad ka jingithuh ia ka met da ki ba haiing, la pynkynriah noh ia ka met sha ka jaka buh metiap ha Nongpoh Civil Hospital.
