Ka jingshna pynbha bad siangrong ia ka surok na Mawphlang sha Weiloi kaba dang iaid mynta ka la pynsngew kmen ia ki paidbah kiba leit ba wan man ka sngi sha katei ka thain. Hynrei tang shi por, kila sngew diaw pdik bad sngew bitar ruh namar ba ka surok kaba la dep ban shna bad siang rong, ka la khoh bad pei thliew noh pynban.Ia kane ka surok la ai ha ki kontraktor da kaba phiah ar bynta. Ka bynta kaba nyngkong ka dei ka jingshna na Mawphlang sha Lyngiong kaba la dep la kham katto katne por hynrei, kala khoh noh bad mih thliew pynban.
Ka bynta kaba ar na Lyniong sha Weiloi ha ka bynta kaba ar ka dei na Lyngiong sha Weiloi kaba dang dep tang ka jingtih ban pynheh ia ka surok, ki nala bad ym pat lah ban pyndep, kaba pynsyrtok ia ki nongleit nongwan.
Ki riew paidbah kila pynsngew ba ka PWD ka dei ban da peit bha haba pyntrei ban siang rong ba kan neh skhem.
Ki paidbah kiba iaid na kane ka surok kaba kynthup ia ka Mawphlang, Ranikor, Mawkyrwat bad Mawsynram konstitwensi kila kren diaw namar ba ka jingsiang rong kaba tang khyndiat bnai ka la sniew bad ki bynta baper bapher jong kane ka surok kila sdang ban khoh.
