Ka Hynniewtrep Youths Council HYC Nongstoin Circle ryngkat ka jingsynran ki nongialam ka HYC West Khasi Hills District lem bad ki Longkmie ka thain mynta ka sngi ka 13.5.2024 ki la leit ban Khynra ia ka iew bad Khlieh iew Nongstoin bad ki la ioh bat 4 ngut ki briew ba ju mlien ban dih bad die drug hapoh iew. Ha katei ka jingkhynra, ka seng ka la ioh ban kurup katto katne u drok bad ka Kiad kaba ki die beain hapoh iew bad na ka liang ka Seng ka la thang noh ia kitei ki jingdih buaid hakhmat ki Pulit, bad hadien ki la aiti noh ia kitei ki nongdih bad nongdie ha ki Pulit.
U Samla Olivertwist Marngar Vice President HYC Nongstoin Circle ula ong ba ka seng kan iai bteng ia ki kam Khynra namar ngi iohi ia ka jingangud ki paitbah ban rat dyngkhong ia ki kam sniew hapoh ka thain bad ka seng ka jyntu ia ki bor ka ain ba kin leh eiei kham kloi namar la sakhi ba ka jingtlot eh jong ka ain ka la wanrah ia ka jingkharoi ki kam sniew na ka por sha ka por.
Ka seng ka kyntu ruh ia u Syiem ka Hima Nongstoin ban pynpra noh ia kito ki dukan bym shym la pyndonkam, namar lada buh ia kine ki dukan kin long pynban ki jaka riehtngen bad ki ktem ban die bad dih drok. Ngin iai bteng ban pynlong ia ka jingkhynra ia ki kam beain hapoh sor Nongstoin na bynta ka jingshngain ka Dong ka thain bad ngi kyntu ia kiwei pat ki para sengbhalang, ki VDP bad kiwei de ki kynhun ne riewshimet ban iasnohktilang na ka bynta ban rat dyngkhong ia kiba kum kine ki kam beain kiba la pynshong syier ia ka imlang sahlang.
