Ka Khasi Students Union Mawprem mynta ka sngi ka la leit ban khynra naphang ia ki nongtrei bar jylla ki bym don ia ka Work Permit.Ha kane ka jingkhynra, ka seng ka la lap sa kumba 17 ngut eiei tam ki bar jylla kiba shu wan ban trei beain khlem don ia ka Work Permit katkum ka ‘The Inter-State Migrant Workmen (Regulation of Employment and Conditions of Service) Act, 1979’. U Vice President ka KSU Mawprem u samla Pynshain Lyngdoh Lyngkhoi, ula ong ba ka seng ka la maham ia ki kontrator ba kim dei shuh ban wan ialam nongtrei bar jylla kiba khlem biang ki kot ki sla. Ha kajuh ka por, u l kyntu ia ki kontraktor ba kin ai kam shwa ia ki para riewlum ha kane ka jylla kiba dei ki trai muluk ki trai jaka ha kane ka jylla.
“Ngin nym aili ia kino kino ki malik kiba wan ialam nongtrei bar jylla khlem da lah ban pynbiang shwa ia ka Work Permit ha shwa bad ha ka por ba ki ialam trei ia ki,” ong u Vice President ka KSU Mawprem. Ula ong ba na ka liang ka seng ka la pynpaw ruh ia ka jingsngew diaw halor ka jingkren u Myntri Rangbah ka jylla u Conrad Sangma ba ka sorkar kam ithuh ia kata ka work permit. Nalor ka jingkhynra ia ka Work Permit, u bah Pynshngain ula ong ba ka seng ka la ioh ruh ban kynrup drok na ki katto katne ngut ki bar jylla ha ka thain Jhalupara kiba dang ia muja ka dung injek khlem jing salia.
Haba iadei bad kine ki bar jylla kiba dih drok, ka seng ka la aiti noh ha ki pulit ka Jhalupara Police Outpost ban leh ia kaba donkam. “Ka jiingpur jong u drok ha kane ka jylla kadei namar ka jingtlot jong ka sorkar. Namarkata la donkam ban pyntrei hok ia ka MRSSA bad donkam ban pyntreikam ia ka ILP khnang ban tehlakam ia kino kino ki jingsniew ha kane ka jylla,” ong u samla Pynshngain.
