Ka HITO West Jaintia Hills ka kyntu ia baroh ki MLA ka Rilum Jaintia Hills ban pynbor ia ka Sorkar Jylla ban pynneh ia ka thong ban tei da ka Nursing School hapoh Jowai ka nongbah jong ka West Jaintia Hills. Ia kane la ong da u president ka HITO West Jaintia Hills Owansakhi Paswet hadien ka jingiakynduh iaka Myntri ka tnat ka koit ka khiah ka Kong Ampareen Lyngdoh. Haba kren shaki lad pathai khubor u samla Owansakhi Paswet u la iathuh ba ha u snem 2012, ka Sorkar Jylla kala mang ban tei daka Nursing School ha Jowai hynrei mynta la ioh khubor ba ia kane ka Nursing School la pynkynriah noh sha Rilum Garo.
“Wat ap ba haduh ba ngin rah lama iong hakhmat Secretariatnamar, wat ap haduh ba ki Pulit kin bom lathi bad siat bom pynsat khmat, namar ngi donhok ban ioh iaka Nursing School” la ong u samla Owansakhi. U samla Owansakhi u la ong ba baroh 4 ngut ki MLA khamtam u MLA ka Jowai Constituency u Bah Wailadmiki Shylla udei ban bah khlieh lada jia kano kano ka jingjia lada ka seng bad ki paidbah kin iakhih ban pyrshah kynriah iaka Nursing School sha Rilum Garo.
Nalor kane u President ka HITO u la iathuh ba ka seng kala iakren ruh halor ki jingduna haki jaka sumar kynthup ha Ialong Civil Hospital bad kiwei kiwei.
