U MLA ka Nongthymmai u bah Charles Pyngrope mynta ka sngi ula ong, baroh ki surok ha Nongthymmai ki sniew lut lait noh tang ka surok ban leit sha iing jong u Symbud Myntri Rangbah ka jylla bad sha iing jong u. U MLA ka Nongthymmai mynta ka sngi ula ong ha iing Dorbar watla ki don bun ki MLA kiba don iing ha Nongthymmai hynrei ki surok ki long kiba sniew bha. U bah Charles ula ong, “Ki Symbud Myntri rangbah u bah Prestone Tynsong, u bah Sniawbhalang Dhar, u bah AL Hek, bah Comingone Ymbon, u MLA ka Mairang u bah Metbah Lyngdoh bad u MLA u Marthon Sangma ki don iing ha Nongthymmai, hynrei kaba sngewsih ka long ba ki surok ki bha tang ka lynti ban leit sha iing u Symbud Myntri Rangbah bad sha iing jong u.”
U Symbud Myntri rangbah ka jylla u bah Prestone haba jubab halor kane ula ong, kyrmen ha ka samoi ban wan, baroh 60 ngut ki MLA kin sah ha Nongthymmai. Ha kajuh ka por, ula ong ba la bthah ia ka tnad PWD ba kan leit shim jingkhein ia ka jinglut jingsep na bynta ban shna pynbha ia ki surok ha sor Shilllong.
“Nga la bthah ia ka tnad PWD ba kan leit lum jingkhein ia ka jinglut jingsep na bynta ban shna pynbha ia ki surok ha sor Shillong bad ynda la ioh ka jingkhein yn sa leh ia kaba donkam.
