Kiew ka National Stock Exchange, kumba 90 million ngut ki nongbei tyngka ki la pyniasoh ia lade sha ka iew khaii pateng

Ka National Stock Exchange jong ka India (NSE) ka la ioh ban kynjoh sa ia uwei u mawmer ba khraw, ha kaba ka jingpynrung kyrteng jong ki nongbei bad ki nongkheng pisa ka la kiew sha ka 90 million kat haduh ka 29 tarik U Rymphang, 2024. Kane ka jingkiew ka pyni ia ka jingkiew kaba khraw jong ka India haka liang ka ioh ka kot bad ka iew ka kahaii pateng bad kane ka jinglong ka la lah ban thaw histori na ka bynta ka NSE.

Ka jingdon jong ki code jong kiba leh ia ka jingkheng pisa bad khaii pateng ka long kumba 169 million, kaba pyni ia ka jingkiew kaba khraw ha kane ka liang bad ia kaba la pynlong lyngba bun ki daw, kynthup ia ka jingpynkylla digital ne digitization, ka jingpynsngewthuh ia ki nongbei bad nongkheng pisa, bad ka jingbit jingbiang jong ka iew. Ka jingkiew ha ka jingpynrung kyrteng jong ki nongbei bad nongkheng pisa ka la long shisha kaba bit ba biang haduh katta katta, da ka jingioh shuh shuh sa ia ki shi klur ngut ki nongbei tyngka tang hapoh san bnai. 

U Sriram Krishnan, Chief Business Development Officer ha NSE, u la pynpaw ba kane ka jingkiew ka long na ka bynta bun ki daw, kynthup lia ka jingpynbit pynbiang ia ka rukom ban pynbeit ia ki KYC bad ka jinglah ban ai ia ki jinghikai kiba bniah ha kaba iadei bad ka jingbei tyngka. Ka jingiar jong ka jingiashim bynta ka long ruh namar ka jingdon jong ki lad jingiakhaii pateng kum ka ETFs, REITs, InvITs, ki bond jong ka sorkar, bad ki corporate bond.

Ka jingrung jong ki nongbei tyngka kiba thymmai ka la iar bha, bad kaba wan ha khmat eh kadei na ka thain ba shatei ne North jong ka India bad ka jingdon jong ki nongbei tyngka ka long kumba 42%, bad la bud pat da ka thain Sepngi ne West, ka thain ba shathie ne South, bad ka thain mihngi ne East jong ka India. Ka jylla Uttar Pradesh bad Maharashtra ki la long ki jylla kiba la noh synniang bha shibun, bad kine baroh ar ki la noh synniang la kumba palat ship awa na kito kiba mih thymmai.