klur ban shna 150 jingthiah ia ka Civil Hospital Baghmara

U Myntri Rangbah ka jylla u Conrad K Sangma ula pynbna kyntiew noh ia ka Civil Hospital Baghmara, South Garo Hills sha ka hospital ba 150 jingthiah. Ia kane ka u la pynbna ha ka jingialang plie ia ka Academic Block bathymmai bad ia ka Girls & Boys Hostel jong ka Captain Williamson Memorial Government College hynne ka sngi.

“Ngi lah dep ban ai ka jingtyrwa sha ka Tnad DONER ka Sorkar Pdeng ha kaba ka jinglut jingsep kan kot T.15 Klur ban kyntiew ia ka Baghmara Civil Hospital sha ka 150 jingthiah” ong u Conrad bad bynrap ka lah ban don ka jingslem na ka Tnad DONER ban pynbna ia katei ka projek namar ka ilekshon hapoh ka Ri.

U Conrad u khmih lynti ba ia kane ka projek yn sdang ha u snem 2025 bad ula ong ruh ba ka Sorkar Jylla kan bhah T.5 Klur ban tei ia ki jaka sah jong ki doctor, nurse bad ki nongtrei ka Hospital. Lah ban ong, kane ka Hospital ka dei kaba kongsan hapoh ka District ha kaba ki nongpang na kylleng ki wan ban ioh ia ka jingsumar ba kynthup na ki shnong ba don sha jngai kum ka Maheskola, Mahadeo, Rongara bad Siju bad kiwei kiwei.