klur ioh lum ka sorkar na ki nongwan shangkai ha ka tamasa ‘Cherry Blossom’

U Myntri ka tnad Kam Jngohkai ka sorkar jylla u bah Paul Lyngdoh u la ong ba ka sorkar jylla ha u Naiwieng, 2023 ka ioh lum pisa khajna T.1.44 klur na ki hotel, homestay ha ka por ba pynlong ia ka tamasa Cherry Blossom. U bah Paul u la ong ba ki don haduh 22,991 ngut ki nongwan jngohkai kiba wan ban sakhi ha ka tamasa Cherry Blossom,2023 .

Ia kane u Myntri u la iathuh ha ka kynta kylli jingkylli ba la wanrah da u MLA ka VPP u bah Adelbert Nongrum mynta ka sngi ha Iing Dorbar Thawain ka jylla. Katkum ka jingong u bah Paul, “ Tang na ka jingwan ki nongwan jngohkai pyrthei ha ka tamasa Cherry Blossom, ka sorkar ha u bnai Naiwieng ka ioh lum khajna T.1.44 klur na ki Hotel, ki homestay, katba ha u Risaw ka ioh lum khajna 1.36 klur.”

U bah Paul u la ong ba ki don haduh 1269 ngut ki nongwan jngohkai ba sah ha ki Hotel Vivanta, Mariotte bad ha Ri kynjai bad ki don 15205 ngut ki nong jngohkai pyrthei kiba sah ha ki Hotel ba kham bit dor kynthup ha Hotel Ponisuk, Tripura Castle, MCrown nalor kiwei de bad 6517 ngut ki nongwan jngohkai kiba sah ha ki iing basa ki homestay bad ki Guest House.