Kner ka HANM Narpuh ban ai jingïarap ïaka longiing shem jynjar

Ka Hynniewtrep Achik National Movement (HANM) Narpuh ka la nohsynniang da ki tin sopiing bad u khaw sha ka longiing kaba shem jynjar ha ka 3 tarik u Iaiong, 2024.
Kane ka longiing kaba duk kaba la ioh ia kine ki jingmyntoi na ka HANM Narpuh Circlela ithuh kum ka kong Khlung Phawa kaba na ka shnong Cham-Cham, East jaiñtia hills district.
Ia ka kynhun leit ai jingiarap la lam khmat da u president ka seng bah P. Syiemlieh ha ryngkat ka jingdon lang u Secretary S Sumer, u publicity secretary S. Pala, tymmenbasan Skilful Pohsnem bad kiwei kiwei ki dkhot ka seng
Hashwa ban aiti ia ki jingiarap sha katei ka long ïing ka seng ka la pynlong ia ka jingialang ba lyngkot ba la pyniaid da u president ka seng HANM Narpuh Circle.
Haba ai jingkren u bah P. Syiemlieh u la pynpaw, ba kum ka seng ba peit ia ka bha ka miat ba na ka por sha ka por ki juh pyrshang ban leh ia kane ka kam ban kner jingiarap iaki paradoh parasnam katba shah ka bor.
U la ong ruh ba wat lada ki long kiba rit tam kine ki jingiarap hynrei ai ba kan long ka jingkyrkhu iaka seng, kumjuh ia kane ka ïing bala mat iaki jingjynjar khamtam lei ha kine ki por ba la jan ka lyur namar ka por slap por lyer ngi donkam ban iarap kyrkieh katba lah.
Kum ka seng ba trei mon sngewbha bad kumjuh ka seng ka la kyntu ia baroh ki seng hapoh ka bri u hynniewtrep ba haba phi lap ia kum kine ki jingjia sngewbha ban iarap khnang ba kan long ka jingsngaiñ iaki ba mat kum kane ka jingjia ne ba kin ioh ban lait naka sngi u slap.
Ha kawei ka liang ka seng ka la ai khublei kyrpang ia u Tbn Skilful pohsnem bala kloi ban pyntip ne ban iada ia katei ka long ïing da kaba pyntip kyrkieh sha ki nongialam ka seng ban ai jingiada namar katei ïing kam long shuh kaba biang bad kumjuh na ka liang i trai ïing kong Khlung Phawa i la pynpaw ka jingsngew nguh eh iaka seng kaba ki la kloi ban iarap, hynrei te kam sngewnang ban leh eiei shuh namar haka jingduk ym don lad lynti ban ioh tang ki tin ban tap ia ka ïing.
Kumta kala kitbok kitrwiang iaka seng ba kan nang lah shuh shuh ban nang iarap ne ban iai trei shirhem hapoh ka bri u hynniewtrep, pynkut ka kyrwoh khubor na u publicity secretary ka seng S. Pala.