U nongialam ka BJP Meghalaya u bah AL Hek ula kam ba ka BJP kan jop ha ka ilekshon shiteng samoi na Gambegre konstitwensi da ka mantra jong u Myntri Rangbahduh ka ri India u Narendra Modi. Ka ilekshon shiteng samoi ha Gambegre kan long ha ka 13 tarik Naiwieng ban wan. Haba kren mynta ka sngi, u bah Hek ula ong ba watla ka BJP kam pat pynbna ia u kyrtong, hynrei ki la don 3 ne 4 ngut kiba pan tiket kynthup u MDC u Bernard R Marak hynrei ka party kan sa rai shen iano ban ai tiket.”Ka Party kan pynieng ia u kyrtong na Gambegre bad haduh mynta ki don 2/3 ngut kiba la pynpaw ia ka jingthrang ba ki kwah ban iakhun ia kane ka iakhun ia kane ka ilekshon bad hadien ba ki la pan tiket, ka party kan sa rai iano kin ai tiket ban iakhun ia kane ka ilekshon,” ong u bah Hek.
Ula kubur ba ka party ka la pynbna slem ia u kyrtong tangba u kyrmen ba ka mantra u Modi kan khring ia ki paidbah ka Gambegre. “Ka Mantra ka long ba ka sorkar NDA kaba ialam u myntri Rangbahduh ka ri u Narendra Modi kala wanrah shibun ki skhim ia kiba duk bad ki kam pynroi ia ka jylla”, la ong u bah Hek. Kumba long mynta ki don 2-3 ngut kiba la pan Ticket na ka party bad ka kyrteng u Bernard N Mark MDC Tura ka paw hakhmat.
“Ka Party kan shim ia ka rai iano ban ai ticket, ha ka jingialang ha ka Delhi ha ka 21 tarik bad ngin don ruh ka jingiakren lyngba ka internet bad ki nongialam ba ha khlieh” la ong u Bah Hek.
