Kput ki jaidbynriew Meitei ba don ha ka bor ia ki Khristan

Ka sorkar Manipur ka la pynbna ha ka 30 ba bad 31 tarik Lber kaba dei ka sngi rakhe ia ka ‘Easter Sunday’ ha kaba ki riewngeit Khristan ha kylleng ka Ri bad shityllup ka pyrthei ban rakhe burom ia ka sngi jong ka jingmih pat u Trai Jisu hadien ba ula shah iap halor ka diengphna na bynta ban pynim ia ki nongpop ha pyrthei.

Ka sorkar Manipur ka la pynmih hukum ha ka sngi Balang ha ka kyrteng u Lat ka Jylla ban pynbna ha ka 30 tarik sngi Saitjain bad 31 tarik sngi U Blei (Easter Sunday) ki ophis sorkar baroh kin treikam bad ai daw ka dei ka kut snem mang tyngka (financial year). Ka khubor ka iathuh katkum ka khana sumari  2011, ki nongshong shnong ha jylla Manipur ki don 41.2% ki khristan.

Halor kane ka jingleh ka sorkar ki jaidbynriew trai ri ha Manipur ki pynpaw ka jingpyrshah khamtam ka kynhun jaidbynriew KUKI-ZO, ban ai ding shuh ia ka jingiakhih iapher jaidbynriew bad ka lah ban long ka jingkput ki jaidbynriew “Meitei” ba synshar ha ka sorkar. Ha kajuh ka por, ka kynhun ki nongialam niam hapoh ka lama jong ka United Christian Forum (UCF) ki la kyrpad ban weng noh ia katei ka hukum khlem kyndon ban pynlong trei sngi U Blei.