Kular u Myntri Rangbah ka jylla ia ki nongtrei COVID-19 ban siew ia ka tulop hapoh san sngi

Ka kynhun jong ki nongtrei covid-19 mynta ka sngi ki la pynlong da ka jing ia khieh ban dawa ban siew dep ia ka tulop jong ki ka ba dang sahteng  mynta la kato katne bnai.

Ha kane ka jingthmu ban wan tur sha Secretariat ki la hap ban shah ban pyn sangeh noh ha  ki bor district ha ka ba ha kine ki ja ka dang don ka jing pynjari ia ka 144crpc  ka ba khang ia ka jingia lum paidbah  ha kine ki ja.

Ha kane ka jingia iaid paidbah na ka liang u bah Kasperlin Iawphngiaw bad kato katne ki  ba dei ki nong trei jong Covid 19 ki ka ioh ka lad ha ka ban leit ban ia kynduh ia u Myntri Rangbah ka jylla u Conrad Sangma.

Ha kane ka jingiakynduh kila ioh ban pyn sngew  ia kane ka jingeh ka ba ki la ia kynduh  ha ka ba iadei bad ka jingsah teng  jong ka jingsiew ia ka tulop sha kine ki nong trei.

Ha kane ka jing ia kynduh na ka liang u CM u la kular ban siew dep ia kane ka tulop jong ki ha poh jong ka 10 tarik mynta u  December.

U la ong ruh ba na ka liang u CM u la kular ruh ban  peit bniah ia kiwei kiwei pat ki jingdawa jong ki  bad  na ka liang kine ki nongtrei covid-19  ki  la ong ruh ba kin ai por ia ka sorkar kum ba kala kular.

La ong ba lada ka sorkar kam lah ban pynurlong ia kine ki jing dawa ha poh ka 11 tarik u bnai December na ka liang kine ki nongtrei ki sa shim da kiwei pat ki lad jingia khieh.