Ki shipai iada khappud Border Security Force (BSF) ha ka 16 tarik mynta u bnai kila kurup haduh 980 tylli ki bilor dawai jyrhoh Phensedyl kiba la thmu ban shalan tuh sha Bangladesh. Ka kyrwoh naki shipai BSF 172 Battalion hapdeng ka jingpeitngor ki la ïohi ïa ka jingïaid lynti kaba suba haki thain khappud da ki katto katne ki nongkhaïi beaiñ kiba kit ïa ki jingkit.
Ki BSF kila pyrshah ban bat iaki nongkhaii tuh hynrei ki la lah ban phet krad, da kaba shim kabu ia ka jingrben ki khlaw ki btah. Ki shipai BSF ki la khynra bha ia katei ka jaka bad ki la ioh kurup haduh 980 tylli ki bilor dawai jyrhoh Phensedyl, kiba la thmu ban shalan tuh sha Bangladesh.
Ïa kine ki bilor Phensedyl ba la ïoh kurup la aiti sha ka ophis Custom ha Badarpur ban leh ïa kaba donkam.
