Ka jingai jinghikai ba shisnem lynter halor kumno ban kyntiew iaka sap shna khiew khyndew ha shnong Tyrshang bad Larnai West Jaiñtia Hills District bala pynlong daka Craft and Engineering Division (RC&E),MGIRI, Wardha lyngba ka jingkyrshan pisa ka tnat Commerce and Industries (DCI) Shillong, jong ka sorkar Jylla bala pyntreikam pat daka Mahatma Gandhi Institute of Rural Industrialization (MGIRI) Wardha, la pynkut noh iaka hynne ka sngi haka jingialang bala pynlong ha Larnai Community Hall ryngkat ka jingdonlang u M.L Wanshong, Joint Director DCI, Shillong, u B. Warjri, General Manager, DCIC, Dr. K Venkata Rao, Dy Director MGIRI, ka S Kharpran, Functional Manager, DCIC, Jowai, u Chairman ka shnong Larnai u Kyrmenlang Pyrtuh lem bad ki nongshna khiew khyndew kiba la donlang.
Ha kane ka sngi pynkut u Dr. K Venkata Rao, Dy Director MGIRI, Wardha ula kitbok kitrwiang iaki nongshna khiew khyndew bad kyntu ruh halor ka jingdonkam ban bteng iaka sap kumjuh ka jingstad jingshemphang ba kila ioh lyngba kane ka training. U M.L Wanshong, Joint Director DCI, Shillong u iaroh halor ka jingiaid shakhmat kane ka project lyngba ka jingiatreilang ki nongshna khiew khyndew ba kynthup naduh ka jingleit shim bynta jong ki ban sakhi iaka rukom shna khiew khyndew sha Siliguri bad sha Varanasi kaba la iarap kyntiew shuh shuh iaka sap jong ki.
U ong ruh ba naka liang ka tnat Commerce and industries kan dang iai bteng ban don ryngkat bad ki. Naka liang kiba shah hikai ruh kila ai khublei ia u Dr. K Venkata Rao, u Dy Director MGIRI lem bad ka kynhun jong ki, nangta iaka tnat commerce and Industries ba kila plie kum kane ka lad naka bynta jong ki, namar ym tang ba ki ioh jinghikai hynrei ki ioh ruh ban leit sakhi dala ki jong ki khmat shaki jaka bapher bapher.
