Kut noh ka lympung niah kali ‘Great 4X4 Expedition by Toyota’ kaba san ba la pynlong ha Guwahati

Ka Toyota Kirloskar Motor (TKM) ka la lah ban pynkut noh hapdeng ka jingjop ia ka lympung niah kali ba la tip kum ka ‘Great 4X4 Expedition’ ia kaba la pynlong ha ka thain shatei lam mihngi, kadei shisha ka lympung kaba la wanrah lang ia kiba bun ngut ki nongniah kali kiba sngewtynnad ban niah ia ki kali 4X4 bad kane ka lympung ka la wanrah ka jingiajan hapdeng para nongniah kali 4X4. Ia kane ka lympung ba lai sngi lynter, la pynlong naduh ka 8 haduh 10 tarik U Lber 2024, ha kaba ki nongniah kali 4X4 ki la ioh ban mad ia shibun kiei kiei kiba la pynlong ha kane ka lympung bad ki la ioh ruh ban niah ia ki kali ha ki jaka bad ki them ba itynnad jong ka PRP Valley (Guwahati) bad ki la ioh ban leit niah kali ruh sha ki jaka ba itynnad jong ka jylla Meghalaya. Ka Toyota ka la pynlong ia kane kajuh ka lympung ha u bnai Jymmang jong u snem 2023, ka jingphai khmat ka long ban ioh ban wanrah lang ia ki nongniah kali kiba sngewtynnad ban niah ia ki kali 4×4 ha India lyngba ki jingianiah kali ha kylleng ka ri. Ha kane ka lympung la lah ban sakhi ia ki jinglong ba kyrpang jong ki kali Toyota SUV, kaba thmu ban pynsah jingkynmaw ia ki nongniah kali 4×4 enthusiasts.

Ia kane ka lympung niah kali jong ka thain shatei lam mihngi ne ka North-east expedition da ka Toyota ka la sdang ha Vivanta Guwahati bad la bteng ia ka da kaba niah ia ki kali lyngba ki jaka ba itynnad bad niah ruh sha ka them jong ka PRP Valley, kaba long ka jaka jngohkai ba pawnam bha bad ha kajuh ka por kaba long ruh ka jaka ba ju pynlong ia ki jingialehkai sport kaba dawa ia ka mynsiem ba shlur. 

Ki jait kali jong ka Toyota’s 4X4 SUV, ki kynthup ia ka Hilux, LC300, Fortuner, bad Hyryder AWD, ha kaba la sakhi ia ka jinglong ba kyrpang bad ia ki kor ki bor teknology kiba don ha kine ki kali. Kumba palat 80 ngut kiba la wan ban iashim bynta, kynthup ia ki bahaiing hasem bad ki paralok, kiba la pyniasoh sha ka ‘Great 4X4 Expedition da ka Toyota’. U Sabari Manohar, Vice President – Sales-Service-Used Car Business jong ka Toyota Kirloskar Motor, u ong, “Ka jingpdiang sngewbha jong ki nongiashim bynta ka la nang kham pynai mynsiem shuh shuh ia ka mynsiem bashit rhem jong ngi, bad ngi thrang bai ai bteng ban pynlong ia kum kine ki lympung ha ka lawei ban wan, da kaba wanrah shuh shuh ia ka rukom niah kaba kham bha shuh shuh da kaba niah ia kine ki kali 4X4 SUV.