Kut noh ka Viksit Bharat Ambassadors Meet ka BJP

Ka seng saiñ pyrtrhei Bharatiya Janata Party (BJP), ka la pynhap pyrda noh ia ka Viksit Bharat Ambassadors Meet ba la long ha Pinewood Hotel, Shillong.
Ia katei ka jingialang la pynhap pyrda da u President ka BJP Meghalaya u Rikman G Momin, kum u Convenor bad u Vice President Gagan Jain kum u Co-convenor, ha ryngkat bad la wan ban iashim bynta da ki nongrahtien syiem kiba na ka jylla Assam, Manipur, Sikkim, Tripura, Nagaland, Arunachal Pradesh bad na Meghalaya.
Ki nongiashim bynta kila ia sam ia ki jingtip bad ki la ia ai iaki jingmut na ka bynta ban pynlong ia ki paidbah ba kin ioh nong ia ka jingpyndonkam ia ka NAMO App bad la thaw ruh ia ki lad ki lynti ban pynthikna ba ki paidbah na kylleng ki bynta kin download ia ka App ban ioh ban pyniasoh ialade bad u Myntri Rangbahduh ka Ri.
Kila iaroh ruh iaka NAMO App bad kila iengskhem ha ka jingmut ban pyndep ia ka jingiakob ha ka 100 sngi, ka jingiakob kaba iwei pa iwei i nongrah tiensyiem kin ktah iaka jingim jong ki briew da ka lynti kaba ai mynsiem ryngkat bad ka jingai ia ki jingmut kiba kongsan.
Kawei na ki nongrah tiensyiem haba ai jingkren, kala ong,”Nga sngewsarong ban long ka Viksit Bharat Ambassador na Meghalaya bad ka jingiohi jngai jong u Myntri Rangbahduh ka ri kala ai pynshlur ia nga ban iashimbynta ha kane ka jingiakhih”.
Kala ong, ban noh synniang naka bynta ban kyntiew iaka ri ka long ka burom kaba khraw eh ia ka bad ka ngeit skhem ba kan mih kaei kaei kaba bha na kane ka sienjam bad kan pynkylla ia ki paidbah, ka imlang sahlang bad iaka ri baroh kawei.
Ka jingthmu jong ki Viksit Bharat Ambassador ka long ban kyntiew ia ka kolshor jong ka roi ka par, ka jingbat skhem ia ka nongrim, ka jingiatylli bad ka jingbat ia ka kular da baroh ban pynlong iaka ri kaba kiew ha ka roi ka par bad ka ri kaba khlain.