U Symbud Lamphang ka iing dorbar thawain ka jylla u Timothy D Shira bad u Commissioner & Secretary, Meghalaya Legislative Assembly u Dr. Andrew Simons, ki la shim bynta ha ka 21st Annual Conference ka Commonwealth Parliamentary Conference, India Region, Zone III ha Aizawl, Mizoram ha ka 27 bad 28 tarik mynta u bnai.
Ïa ka jingialang la plie da u Lamphang ka Lok Sabha u Om Birla uba long u Chairman ka Commonwealth Parliamentary Association, India Region ha jingdonlang u Harivansh Narayan Singh, Deputy Chairman ka Rajya Sabha, u Sharingain Longkumer uba long u Lamphang jong ka Nagaland Assembly bad u Chairman ka India Region Zone – III, u Lalbiakzama u Lamphang jong ka Mizoram Assembly, u Lalduhoma Myntri Rangbah ka Mizoram ryngkat bad ki Lamphang bad Symbud Lamphang ka thain shatei lammihngi bad katto katne ki Member Parliament (MP) bad ki Member Legislative Assembly (MLA).
Ki phang ba kongsan ba la iakren ha ka Conference ki long ban kynthup ïa ka thaiñ shatei lammihngi ha ka India-ASEAN Visionfor Trade and Cooperation bad ban pyniasoh bad ka Ministry of Doner bad ka NEC na ka bynta ban don ki ‘Plan’ ba biang bad ka jingiatreilang na ka bynta ki projek bapher ha ka thain. U Timothy D Shira, ula ïashim bynta ha ka jingiatai bad ula ai jingmut ha kaba ia dei bad ka jingïaid lynti ka thaiñ na ka bynta ka lawei, katba u Dr. Andrew Simons, ula ai ka jingbatai halor ka kaiphod da kaba phaikhmat sha ki kam bad ki jingseisoh jong ka CPA Region Zone III naduh ka jingialang ba la dep.
