Nongpoh, Jylliew: Kawei ka trok kaba la kit beit smam ia u mar ba pynmih kum ki eit dewiong ne Coke, ka la kylla khongpong kynsan hapdeng u surok bah National Highway 06 hajan Nongpoh Ri Bhoi District mynta ka 6 tarik Jylliew ha ka por 2 baje eiei nohphai sngi.
La ioh jingtip, ba kane ka jingkylla jong katei ka trok kit Coke kaba don ia u number NL 01 AD 4856 ka la jia hadien ba u nong niah jong kane ka trok u la pyrshang ban kiar ia kawei pat ka kali rit kaba la niah khlem akor ha u ne u surok bad na kane ka jingkiar ia kane ka kali rit kane ka trok ka la kylla khongpong noh hapdeng u surok NH-06.
La ioh khubor ruh, ba donbok ba ha kane ka jingjia u nong niah kane ka trok bad u nongbud kim shem la mynsaw satia bad na ka liang ki bor pulit ka Nongpoh Police Station lem bad ki bor ka National Highway Authority of India (NHAI) ki la poi ha kane ka jaka ban pynkhuid bad tan ia kane ka trok kaba la kylla ha u ne u surok bah.
