Tang Hadien katto kynta ba pynbna khangdam ki samla pule ia ka North Eastern Hills University (NEHU), la sakhi ba ki kamra Class kila kynjah namar ka jingbym long Class.
Ki samla pule ka NEHU ki dang iaid bteng ban shong kyllain mungor hakhmat ka khyrdop jong ka Administrative Block, bad don ruh kiba la pynieng daki dara (Tent) ban sah miet marpyrshah ka Administrative Block. Haba leit jurip iaki Department jong ka NEHU la iohi ba ym don ruh kawei ka Department kaba la shim Class.
Lah ban kdew baki kynhun Nonghikai ka skulbah NEHU kata ka NEHUTA bad ka MeTTA ruh kila ai ka jingkyrshan iaki samla pule kiba la shim daka sienjam ban khangdam iaka NEHU bad kumjuh ruh ban shah thngan khlem pud sngi.
