Kyntait ka ïing dorbar ïa ka Meghalaya Lokayukta (Amendment) Bill, 2024

Ka ïingdorbar thaw ain ka Jylla kala kyntait ban pdiang lyngba ka Voice Vote ia ka Meghalaya Lokayukta (Amendment) Bill, 2024 kaba la wanrah da u MLA ka Voice of the People’s Party (VPP) na North Shillong u Bah Adelbert Nongrum. Lah ban kdew ba u MLA ka North SHillong u Bah Adelbert Nongrum haba wanrah iaka ka Meghalaya Lokayukta (Amendment) Bill, 2024 u la ong ba ka Amendment jong ka Lokayukta Act, 2021, kala pyntroin ia ka jingtreikam jong ka Lokayukta hapoh ka Jylla.

U Bah Adelbert ula ong ruh ba ka jingwanrah ia ka jingkylla halor ka jingdon ki dkhot ka Lokayukta bad ka jingdon ki Judicial Bench ka bym iahap shuh bad ka Bill ba wanrah nyngkong duh. U la kynnoh ruh ba ka Meghalaya Lokayukta Act ba mynta kala pynduh noh ia ki kyndon kiba kongsan kiba iaid lang naka Lokpal bad Lokayukta Act jong ka Parliament.

Haba iadei bad kane u Lamphang ka ïing dorbar u Thomas A Sangma u la tyrwa hapoh ka ïing iaka ka Meghalaya Lokayukta (Amendment) Bill, 2024. “Ki “No” kila jop, ym lah ban pyniaid shakhmat ia ka Motion bad ia kane ka bill ym pdiang satia ban wanrah hapoh ka Jylla. Namar kata ka Bill kala shah kyntait da ka ïingdorbar” la pynbna u Lamphang ka ïing dorbar u Thomas A Sangma.