U Air Chief Marshal VR Chaudhari uba long u Chief jong ka Air Staff (CAS) hynin ka sngi saitjain, ula wan ban shim bynta ha ka Eastern Air Command (EAC) Commanders Conference kaba la long ha EAC, Shillong. U Air Officer Commanding-in-Chief jong ka Eastern Air Command u Air Marshal SP Dhar ka ryngkat bad ki heh ka Air Force ki la pdiang sngewbha ia u Chaudhari ha ka por ba u la wanpoi ban iahsim bynta ha katei ka jingialang.
Mar ia poi, u CAS ula jurip ia ka jingpynkhreh jong ka EAC bad ula iaroh ia baroh ki dkhot halor ka jinglah ban pynthikna ba ki long kiba la pynkhreh lypa ha baroh ki liang bad kumjuh ha ka jingpynkhreh ia ka HADR bad kumjuh ban ai jingiarap ia ki bor pyniaid district. U heh ki shipai liengsuin, ula ban jur ia ka jingkongsan ka EAC ba pynneh ia ka jingpynkhreh ha ka jingtreikam bad pynroi ia ka jinglah ha ka rukom treikam bad ula ai mynsiem ia baroh ki nongtrei ban don ia ka mynsiem jong ka jinghikai ba ki ioh na ka IAF kaba thmu ban pynkylla ia ka IAF sha ka bor liengsuin kaba khlain bha.
=U Chaudhuri ula kyntu ïa baroh ki Commander ban bteng ïa ki jingpyrshang ban jingpynbiang ïa ka jaka her liengsuiñ kiba shngaiñ bad ban ïaid ryngkat bad ki jingbor jingstad teknoloji ha ka pyrthei, ki bynta ba thymmai jong ka suiñ bneng, ka thma cyber bad electronic bad kumjuh ruh ban pynthikna ïa ka rukom treikam ba koit ba khiah.Ha kane ka sngi u CAS ula ai khusnam ïa ki Station kiba la trei borbah ha ka Operation, Maintenance bad Administration.
