Kyrmen skhem ka NPP ban jop na Shillong bad Tura

U National President ka National People’s Party (NPP) uba dei ruh u Myntri Rangbah ka Jylla u Conrad K Sangma hynne ka sngi u la iakynduh ia ki nongialam ka Bharatiya Janata Party (BJP) ban iakren halor ka jingpynkhreh ia ka ilekshon MP 2024. Ha kane ka jingialang u Conrad ula pynpaw ia ka jingsngewskhem ba ka NPP kan jop na baroh 2 tylli ki constituency ka Jylla, kata ka Shillong bad Tura Parliamentary constituency. Haba kren sha ki lad pathai khubor u Conrad u la pyntip ba kum ka kynhun NDA ba iatylli, ka NPP bad ka BJP kan ioh ka jingjop na baroh 2 tylli ki seat ha Meghalaya.U Conrad u la ong ba ka dei ka kamram jong ka NPP ban iakynduh iaki seng sain pyrthei bapher bapher, kiba ai ka jingkyrshan ia ka party ha kane ka ilekshon MP 2024. “Nga la kyntu ia ki Nongialam ka BJP ba kin kren ia ki Karyakartas bad ia ki President jong ki mandal. Nga la pynpaw ia ka jingsngewnguh ia ka jingai jingkyrshan ia ki kyrtong jong ngi bad kyrpad ia ki ban trei shitom khnang ba ki kyrtong ka NDA kin jop” la ong u Conrad. U Conrad ula ong ka thong jong kane ka jingialang kadei ban ai khublei ia ki Nongialam ka BJP, khamtam kiba la rai ban kyrshan iaka NPP daka khlem pynieng kyrtong ha Shillong bad Tura Parliamentary seat.

“Ngam lah ban kren na ka bynta jong ki la kin wan ne em hynrei kaei kaba kongsan ka long ba ki nongialam bad nongkitkam jong ki ha ki shnong ki thaw ki dei ki briew kiba lah ban wanrah jingkylla ha ki shnong ki thaw bad ngi kmen mynta ka sngi ba bun na ki nongialam ka BJP khamtam na Ri-lum Khasi bad Jaintia kila wan sha kane ka jingialang bad kila sngewhun bad pynpaw ruh ia ki jngsngewkhia bad ngi la pyrshang ban pynbeit ia kiba bun ki jingsngewkhia jong ki haba kular ba kum ka kynhun NDA ba iatylli, ngin ioh ia ka jingop na baroh artylli ki seat” ula ong. Nalor kane, une u Khliehduh ka NPP ula ong ba ki paralok ka NDA ha kylleng ka thain Shatei Lam MIhngi kila iatreilang ban pynthikna ba ka NDA kan ioh ia ka jingjop ha kane ka elekshon jong ka Ri bad da ka mynsiem kum ka kynhun NDA, ki paralok bapher bapher kila sei iala ki kyrtong ha ki Jylla bapher bapher.

“Kum na Manipur, ha kawei ka seat la seu kyrtong da ka NPF bad ha kawei pat da ka BJP, ha Nagaland da ka NDPP, ha Arunachal Pradesh da ka BJP bad ha Meghalaya da ka NPP. Kuta, baroh ki paralok ka NDA kila iakren iakhana para maki. Nga la kren ia u Pema, nga ka kren ia u CM ka Manipur, Arunachal, Nagalad bad ngi la iakren bad iapynbeit ba kumno ngin iarap mar kylliang khnang ba ngin jop ha kane ka elekshon Lok Sabha”. Haba kylli, u Conrad ula ong “Ha ka jingshisha u Dipul Marak ula mih hynrei ula wan iasoh sha ka NPP mynta. Kam don satia ka jingbuhnud na ka BJP. Kane baroh ka dei ha ka jaka ban kyrshan pateng, ula wan ban iasoh beit beit sha ngi”.