Ka tnat Pule Puthi ka Sorkar Jylla, kala pynbna bala plie ia ka jingpynrung klas ia ki samla pule Under Graduate (UG) jong ka Arts stream ha Rongjeng Model Degree College East Garo Hills District bad ha Patharkhmah Model Degree College Ri-Bhoi District. Ia kane la pynbna da u Myntri ka tnat Pule Puthi ka Sorkar Jylla u Rakkam A Sangma lyngba ka Twitter X.
U Rakkam ula ong “Nga kwah ban pyntip sha phi ba ka tnat Pule Puthi, ka Sorkar Meghalaya kala pynbna ban sdang ia ka jingpynrung klas ia ki UG Course ha ki artylli ki Model Degree College ha Rongjeng Model Degree College, East Garo Hills bad Patharkhmah Model Degree College, Ri-Bhoi. Kane ka dien ka sienjam bala shim ban pynurlong ia ka jingangnud bad jingdonkam ki paidbah haka pule ka puthi”.
Ula ong baka Rongjeng Model Degree College bad ka Patharkhmah Model Degree College Ri-Bhoi District kila pdiang mynta ia ki Application ban pynrung Class na ka bynta u snem 2024-2025.
