Ka Courtyard by Marriott Shillong ka pynbna iaka lympung iakop ‘Miss Grand India Meghalaya’. Kane ka lympung kan pyni nam ka kular ban wanrah ka jingkylla haka rukom iakop thei bhabriew jong ki kynthei ka Jylla Meghalaya. Ha kane ka sngi, la sakhi iaka jingpyni nam iaka jingrakhe iaka bor ki kynthei lynga ka jingiakop thei bhabriew daka ba phai khmat shaka jingialap halor ka jingpang bampong bad kumno ban kyntiew iaka imlang sahlang.
Ha kane ka sngi pynbna iaka ‘Miss Grand India Meghalaya’ la wan shim bynta daka Miss Asia Pacific India 2024, u Amjad Khan u Operations and Marketing Director ka Glamanand Entertainment Pvt Ltd, Sophiya Singh bad Arshina Sumbul.
Haba kren ha kane ka sngi ka Wanda Nongbri kaba dei ka state director ka Miss Grand India Meghalaya, kala iai ban iaka jingdonkam ban plié ki lad lynti iaki kynthei jong ka Jylla ban pyninam iala ki sap ban wanrah ka jingkylla haka imlang sahlang. Ki nongpyniaid iaka ‘Miss Grand India Meghalaya’ ki khmih lynti iaka jingia shim bynta ki kynthei jong ka Jylla ha kane ka lympung.
