Mynta ka sngi la pynkut noh iaka jingïakynduh lang ban kilan met kaba 16 sien hapdeng ka India bad Mongolia kaba la tip kum ka India-Mongolia Joint Military Exercise, Nomadic Elephant 2024. Kum ban shu pynkynmaw ba iaka Nomadic Elephant kadei ka lympung ai jinghikai kaba man la u snem kaba la pynlong ha ri India bad Mongolia bad ia ka sien kaba khatduh la pynlong ha Mongolia ha u Kyllalyngkot 2023. Kane ka jingkilan met bad ai jinghikai iaki shipai jong ka Ri India bad Mongolia kadei kaba la neh haduh 14 sngi. Ïa kane la pynkut haka jingïalang bala pynlong ha ka Joint Training Node ha Umroi, ha kaba la pynïaid da u Maj Gen Ganbyamba Sunrev, u heh duh jong ki shipai Mongolia bad u Lt Gen Zubin A Minwalla, jong ka Trishakti Corps. Ia kane ka kynhun shipai India kaba kynthup ïa ki 45 ngut la mihkhmat da kawei ka Battalion jong ki Sikkim SCOUTS ha ryngkat ki shipai na kiwei kiwei ki tnad shipai.
Ia ka kynhun shipai ka ri Mongolia la ialamkhmat da ki shipai na ka kynhun shipai na 150 Quick Reaction Force Battallion jongka Mongolia Army. Ki nongialam jong baroh 2 kynhun shipai haka jingkren kila iai ban ban bteng ia ka jingtreikam bad jingïatreilang bad pynsuhthied ia ka jingïadei bad ka jingburom iwei ïa iwei pat bad kane ka jingioh jinghikai mar kylliang ka pynpaw ïa ka jingaiti kaba khlem jingartatien jongki ban pynroi ïa ka jingïatreilang ha ka liang ka jingïada ha ka thaiñ. Ha kane ka sngi, ka kynhun shipai India ka la pyni ia la ka jong ka sap kaba kyrpang lyngba ka jingpyni ia ki tiar ialeh bad ki tiar kiba thymmai daka ba pynpaw ïa ki jingkiew ha ka liang ka teknoloji ba la leh hapoh ka jingthmu jong ka Atmanirbhar Bharat, kaba pynskhem ïa ka jingnang jingstad jong ka India ha ka liang ka jingïada kaba nang kiew shaphrang.
Ha kane ka jingkilan met bad ai jinghikai, ki shipai na baroh ar ki ri kila iatreilang da ka jingsngewtynnad, ki la iasam ia ki jingtip bad ki jingshemphang, kaba la pynskhem shuh shuh ia ki jingiadei kiba la thaw ha ka por ba ai jinghikai. Ka Nomadic Elephant kala pynlah ia baroh arliang mamla ban iasam ia ki rukom treikam kiba bha tam ha ki buit iakhun, ki buit bad ki rukom treikam ban pynlong ia ki kam ba iatreilang bad kala pynsuk ruh ban pynroi ia ka jingiatreilang, ka jinglong babha bad ka jinglong paralok hapdeng ki shipai na kine ki ar tylli ki ri.
