La pynlong ia ka SVEEP Prokram ha NIT halor ka ilekshon

U District Election Officer, East Khasi hills District hynnin ka sngi ula pynlong ia ka Systematic Voters Education and Electoral Participation Program ha National Institute of Technology (NIT) Meghalaya ha kaba ki samla pule ki la shim bynta.

U Bah Eddy Ripnar, dkhot ka Meghalaya Model United Nation ula batao shaphang ka apps ba ka Election Commission India ka la plie dang shen, ka Know Your Candidate (KYC) app kumjuh ka iarap lang ban ioh ia ka jingtip sha kino kino ki kyrteng ha ki constituency jong phi bad kan iarap ban tip ia ka jinglong bad ki kam sniew jong ki kyrtong, ka long kaba donkam ia ki nongthep ban tip haba jied ia ki kyrtong.

Kawei pat ka app, cVIGIL ka dei kawei pat ka mobile aplikeshon na bynta ki nongshong shnong ban pyntip ia ki khubor thok ban sam pisa por ilekshon bad kiwei, ula bynrap. Ula ong ruh lyngba kane ka app, ki lah ban ban pyntip mardor sha u Chief Electoral Officer bad kin shim khia mardor na kaei ba ki ioh jingtip lyngba kane ka app bad ia ka kyrteng ki nongpyntip yn burieh. Ha kane ka prokram, la ioh ruh ki jingkylli bad jubab halor ka ilekshon.