La rakhe ia ka ‘World Oral Health Day’ kumno ban sumar ia ki bniat

Ka National Oral Health Program (NOHP) bad ka National Health Mission (NHM) ka la rakhe ia ka ‘World Oral Health Day’ ha Nongstoin Civil Hospital West Khasi Hills. Ka phang pdeng jong ka ‘World Oral Health Day’ ka dei ‘A happy mouth is a happy body’.

Ha kane ka sngi la wan shim bynta da u Medical Superintendent ka Civil Hospital u Dr. HR Sohklet bad la pyniaid ia ka program da u Sr Dental Surgeon Dr. Ronald Pyngrope. Na ka liang u Dr Dondor Nongsteng ha ka jingdon lang u District Nodal Officer ka NOHP, West Khasi Hills Dr L. L Mawsor ula ai jinghikai halor ka jingdonkam ban sumar bha ia ki bniat da kaba phah eksamin ia ki bniat man ka por.

Ha kane ka sngi, sa sam ruh iaki brut shut bniat dawai shut bniat (Toothpastes) sha ki 200 ngut ki ba wan phah sumar.