La shai ka sngi yn ia kren ka Executive Committee ia ka Clan Bill ha dorbar tlang: Pyniaid

U Chief Executive Member jong ka Khasi Hills Autonomous District Council (KHADC) u bah Pyniaid Sing Syiem la ong ba ka Executive Committee kan ia shong la shai ka sngi ban ia kren bniah ha kaba ia dei bad ka Clan Bill, 2020 ban wanrah ia ka ha ka dorbar tlang ban sa sdang ha ka 20/12/2023.

Haba kren ha ka jingialang pynlait kali ki niut kaba la long ha madan iing Syiem Hima Khyrim , la ong ba ia ka Clan Bills, 2020 la pynshong nongrim halor ka tip kur tip kha, kumba ka long mynta ki don palat ia ka 3000 tylli tam ki kur hapoh ka jaidbynriew khasi haduh mynta.

U CEM jong ka KHADC u la ong ba ynda la ioh ban long ain kane ka Clan Bills ki jkur kid ei ban don noh la ki jong ki jong ki seng kur bad na ka liang jong ka KHADC kan sa ai ia ka jingbthah ban leh ia kane na ka bynta ban pynkhlain ia ki kur, hala ki kur ki kur da kaba ia treilang.

Na ka liang jong u bah Pynaid Sing Syiem ruh mar ia shimtim kum u CEM ka KHADC u la shim khia halor kane ka Bills ban peit bniah biang bad la shai ka sngi kin ia kren hapoh ka EC shuwa ban rah sha ka iing dorbar ban ioh ia ka jingmynjur ka iing dorbar bad ban phah sha u Lat ban ioh ia ka jingmynjur ba kan long ain noh.

Ia ka Clan Bills la pdiang da ka iing dorkar ba jong ka KHADC ha u snem 2020 bad la phah sha u lat ka jylla hynrei la pynbha biang ia ka sha ka KHADC ryngkat ki jongkynthoh bad kila phah biang sha u Lat ka jylla ha kapor ba long CEM jong u bah Titosstarwell Chyne hynrei la pynphai biang ia kane ka Bills.