U Myntri ka tnat Social Welfare Bah Paul Lyngdoh hynne ka sngi u la pynksan baka jingthung iaka Agatha Sangma kum ka Chairperson jong ka State Child Rights Commission kadei namar ka jinglah jong ka ym namar ba kadei ka para jong u Myntri Rangbah ka Jylla.
“Kum kine ki jingkynnoh kan don beit, kam pher lada thung, haka ia A, B ne C hynrei kaba kongsan ka long ba naduh nyngkong ngi la dep ban ithuh iaka kyrteng ban thung Chairperson hynrei haba kut, kala kyntait iaka kam” la ong u Bah Paul.
U Bah Paul u la ong baka Agatha nalor baka biang lut haka pule puthi, ka don bynta ruh haka kam shakri paidbah lyngba ka jinglong MP jong ka ha Parliament. U Myntri u la pynksan baka tnat kala bishar bniah iaka kyrteng jong ka Agatha hashuwa ban rah shaka jingialang jong ka kynhun Myntri Sorkar.
