Ha ka 1st regional camp ba la pynlong da ka ophis u Deputy Commissioner ka West Jaiñtia Hills District ryngkat ka Meghalaya State Food Commission ha shnong Shangpung West Jaiñtia Hills District, naka bynta ban pynshai halor ka national food security Act 2023, u Commingone Yembon myntri ka tnat Food Civil Supplies and Consumer Affairs Department . haba ai jingkren kum u kongsan u ong ka jingwanrah ia kane ka program dei naka bynta ban pynsngewthuh paidbah ba kin tip iaka hok jong ki. Ha ka jingiadei bad ka rukom ioh khaw rashon u ong sngewsih ba bun kiba kham dap kham biang ki ioh card rashon katba kiba duna ka ioh ka kot pat ki duh iaka hok. Kumta u kyntu iaki waheh shnong ba kin peitbniah ha ki shnong ki thaw ba ia kito kiba la treikam sorkar dei ban pynduh noh ka kyrteng jong ki da kaba ai noh sha kiwei kiba dei hok ban ioh bynta. Namar ka jingthmu apply thymmai la hap pynjlan noh naka daw u COVID-19, bad la kumno kumno ha u snem 2025 ka sorkar kan sa leh noh hi.
Ha ka jingiadei bad u Addhar u ong ka Jylla Meghalaya dei kaba shatrai duh haka jingpynrung kyrteng Addhar haba nujor bad kiwei ki Jylla ka Ri, kumta u kyntu iaki paidbah ba kin pynrung Addhar khnang ba kin ioh iaki lad jingiarap bapher bapher naka sorkar, bad ruh lehse ioh poi ka por ban shah pynduh khaw haka sorkar India lada ym don Addhar. Ha kajuh ka por u kyntu ruh ban buh jingujor kloi kloi lada don kano kano ka jingduna khaw ne shah iuh roit ka hok da kaba phone ha u toll free No- 1967, whatsapp 9402327737, lane website megpgrams.gov.in. Ha kane ka sngi la donlang ruh u P.S Thangkhiew, Chairman Meghalaya State Food Commission, kiba mihkhmat naki District bapher kynthup ka East Jaiñtia, West Jaiñtia, Khasi Hills.
U S.K.War naka Food Civil Supplies and Consumers Affairs haba kren ula batai iaki kyndon bapher bapher ka rukom sam khaw bad ong ruh ka vigilance committee bala thung ha man ki shnong dei ka ban peitngor la u khaw u poi tikna ne em manla u bnai, bad lada ympoi dei ban ai jingujor. Shuh shuh u ong haba ka sorkar ka phah ban leh ei ei iaki briew ka don beit ka jingai jingmyntoi. Kata lada ki wholesale ki leit shim khaw na FCI la siew iaki ka bai kit bai bah haka dor 105 tyngka shi quintal, iaki nongsam khaw rashon pat ka sorkar ka siew 180 tyngka shi quintal, hynrei ban ong ba ia u khaw la shu ai ei ym lah shuh ban kyrshan bai kit bai bah, dei kaba bakla.
