Lah ban shimti u De Zerbi ka  Brighton kum u coach thymmai ka Barcelona

U Roberto De Zerbi, uba dei ruh u head coach ka Brighton, khlempep un mih bujli ia u Xavi kum u coach ba thymmai ka FC Barcelona ha kaba kut kane ka samoi. U Xavi hadien ka jingshahrem da 5-3 ha ka Villarreal  ha ka taiew ba la dep, u la pyntikna syndon ba un mih noh beit na ka club.Hynrei ka la don pat ka khubor ba u De Zerbi u lah ban iasoh noh bad ka Liverpool hadien ba u Jurgen Klopp u la dep shim rai ban mih noh ha kaba kut ka samoi.Kiwei pat ki tyllong khubor ki la kam ba utei u coach na Spain u lah ban iasoh noh bad ka Barcelona.

U Xavi, uba shimti kum u coach ka Barcelona naduh u Naiwieng 2021,  u la pynjop La Liga ha  u snem ba la dep hynrei mynta ka samoi u khlemlah satia ban poi sha ka thong.  Kiwei pat kiba lah ban mih bujli ia u Xavi, ki kynthup ia u coach barim ka Wolves, u Julen Lopetegui, bad kumjuh u bak barim ka Barcelona, u Rafa Marquez uba dei mynta u coach ka Barcelona B.ia mynta ka Barcelona kam dnlad shuh ban dang iohrah ia ka La Liga namar ka duna haduh 10 point ia ka Real Madrid. Haba phai sha u De Zerbi, u la shimti ia ka Brighton ha u Nailur 2022 hadien ba u la mih noh na ka Shakhtar Donetsk.

Hapoh ka jingialam jong u, ka Brighton ka la iohrung shaduh ka semi-final ka FA Cup ha u snem 2022 watla ka la shahrem noh ha ka Manchester United.U De Zerbi u la ialam ruh ia ka Brighton ban wan kyrdan ba hynniew ha ka Premier League bad ioh mih madan syndon ha ka Europa League, kaba dei ruh ka sien nyngkong ia kane ka club ban mih madan ha kawei na ki tournament kaba heh ha Europe.Haduh mynta ka samoi, ka Brighton ka don ha ka kyrdan kaba hynniew ha ka Premier League da 32 point na ki 21 sien mih madan.