Ki pulit pyniaid kali jong ka Shillong Traffic Branch mynta ka sngi, ki la pynlong ia ka jingtalasi ba kyndit kyndit ia ki thuk thuk ar sha ka ha IGP Point. Ka jingpynlong talasi ba syndet ki pulit, ka long ban lap ia kito kiba niah beain khlem ki kot ki sla kiba biang, ki bym don ia ka laisen, kiba pyndait ia u silencer ba pynsawa bad khamtam eh ia kiba ju mlien ban tur rak rak shane shatai kaba la pynwit ia kiwei ki nongniah bad ki nongiaid lynti.
Ha kane ka jingtalasi, ki Pulit ki la lap don ki thuk thuk ba kynthup naduh ki Motor Bike bad ki Scooty ki bym don ia ka Registration Certificate, ki bym siew ia ka Insurance, ki bym pyndait ia ki Number Plate HSRP bad ia kiba pyndait da ki Modified Silencer. U Superintendent of Police (Traffic) u K.
Prasad haba kren sha ki lad pathai khubor, u la iathuh ba ha ka jingtalasi kali kaba ar sngi, ki Pulit ki la ioh lum haduh T.2 lak tam tang na kaba dain kuna ia ki nongpynkhein ain. U la ong na ka liang ki pulit pyniaid kali, kin iai bteng manla ka sngi ban talasi ia ki thuk thuk ar shaka.
