Lam khmat ka Green-Tech Foundation ban pynkhuid ia ka wah Nonbah

Ka kynhun ki samla hapoh ka shatri jong ka (Green – Tech Foundation, Meghalaya – India)ki la hiar sha ka wah Nonbah kaba don ha sor Nongstoiñ ban pynkhuid ïa ki jaboh jabaiñ kiba la shu bret pathar da ki paidbah ba iaid ba ieng bad ki nongshong shnong.
Ki nongialam jong katei ka kynhun ki la ong ba kane ka jingpynkhuid kadei shi bynta ka project ïa kaba la tip kum ka Pilot Project kaba ka jingmut ka long ba ka seng kan ym pynkut tang ban pynkhuid ïa kane ka Wah hynrei nangne shakhmat ka seng kan leit ruh ban rung ha man la ki thliew Ïing kiba don ha Rudwah jong ka Nonbah ban pan jingkyrshan na ki longïing ba kin ïatreilang bad ka seng kan ym pan jingïarap na ki paid nongshong shnong ba kin mih na ïing ban wan hiar lang sha Wah ban tam ïa ki Ñiut hynrei ka seng ka pan jingïarap na ki paidbah ba kim dei ban dang bteng ïa ka jingbret Ñiut ha kitei ki ar tylli ki Wahbah kiba don ha sor Nongstoiñ.
Ïa katei ka kam pynkhuid wah kaba la pynlong mynta ka sngi la lamkhmat da u samla H. Bansiewdor Nonglang (Chairman, Green-Tech Foundation, Meghalaya-India), samla Thomas James Kharbani President Green tech Foundation Nongstoiñ Division, u samla Banteiborlang Marweiñ Chairman ka Hala Tynrai Eco Tourism Co operative Society Ltd Nongstoiñ, u samla Donlang Kharbani ophisar na ka tnad PHE jong ka Swatch Bharat bad u samla Lurshai Kharbani Secretary Green Tech Foundation Nongstoiñ Division.