Ka Akhil Bharatiya Vidyarthi Parishad (ABVP) karyakartas jong ka South West Garo Hills District dang shen ka la leit jurip ia ka hostel ha Jawahar Navodaya Vidyalaya (JNV), Mahendraganj School, South West Garo Hills, Meghalaya. Ha kane ka jingleit jurip ka la kyndit ban lap ia ka jinglong jingman jong katei ka skul kaba la jot lut bad jaboh khlem maramot, bad ka jaka bam ki kynnah ba sah hostel ka long kaba jaboh. Haba kylli ia u principal ka skul ba kim lah ban diang ia ka jinglong jingman ka skul, u Abdul Gani ula ong, kim ju kham ioh jingiarap wat hadien bun sien ba ki la kular ban iarap maramot. Ka kynhun ba leit jurip ka pynpaw ba kam hun ia ka jinglong jingman ka skul.
Halor kine ki jinglap ha ka jingjurip, ka ABVP Pa Togan Vibhag, Garo Hills ka la ai por shibnai ia ki bor ka JNV, Mahendraganj School, ba ki dei ban maramot noh ia kiba la tlor bad jot bad ki dei ban pynbiang ki jingdonkam baroh ha skul. Kane ka long na bynta ka jingmyntoi ki khynnah pule bad kiba haiing hasem ki khynnah pule.
Ka ABVP, Pa Togan Vibhag, Garo Hills ka la pynpaw lada kim lah ban pynbiang ia ki jingdawa ha ka por ba la buh kim banse ban iaid da kiwei lynti na bynta ka jingbit jingbiang ki khynnah pule. Kane ka long katkum ka kyrwoh ba la phah da u Aksay A Marak, Convenor ka ABVP South West Garo Hills District.
