Ki Pulit ka South Garo Hills hynne ka sngi, ki la ioh 340 tylli ki kuli siat Liengsuiñ ne ki Anti Aircraft Live Ammunation bad saw tylli ki synduk buh kuli na ka khlaw ha shnong Chibokgre. U Superintendent of Police ka South Garo Hills, u Shailendra Bamaniya, ula pyntip hadien ba ki pulit ki la ioh ki jingtip ba thikna na ki bor syntiat, ka kynhun hapoh ka jingialam u SDPO Chokpot bad u Circle Inspector (Sadar) bad u Officer Incharge ka Chokpot PS ryngkat bad 3 ngut ki pulit ki la leit wad ha katei ka khlaw ha ka por 1:15 mynstep hynne ka sngi.
Ula bynrap ha ka jingleit wad hapoh katei ka khlaw ki pulit ki la tih ia ka khyndew bad ha ka por 3:27 mynstep bad ki la lap 4 tylli ki synduk buh kuli bad 340 tylli ki kuli siat liengsuiñ bym pat pyndonkam. U SP ula ong, ka jingtohkit halor kane ka dang iaid shakhmat ban lap ia ki briew ba donkti ban buhrieh ia kitei ki synduk bad kuli.
La suba jur kitei ki kuli la buhrieh hapoh khlaw ki dei kiba la pyndonkam da ki kynhun kieng atiar.
